Në kuadër të Muajit Rozë – Tetorit, muajit të ndërgjegjësimit për parandalimin e kancerit të gjirit, gjatë javës që lamë pas, Qendra Rajonale e Shëndetit Publik në Pejë organizoi disa ligjërata informuese dhe sensibilizuese me qëllim të rritjes së vetëdijes për rëndësinë e zbulimit të hershëm të kancerit të gjirit.
Ligjëratat u mbajtën në këto institucione:
• ShFMU “Ramiz Sadiku” – pjesëmarrëse 20 gra nga stafi i shkollës;
• Zyret e Policisë Rajonale në Pejë – pjesëmarrëse rreth 50 gra police dhe staf administrativ;
• Gjimnazi i Pejës – pjesëmarrës 65 nxënës;
• Qendrimi Ditor për të Moshuar – pjesëmarrës 30 pensioniste
Gjatë ligjëratave u trajtuan tema për mënyrat e parandalimit të kancerit të gjirit, si dhe rëndësinë e mënyrës së shëndetshme te jetesës, vetëpalpimit të gjirit dhe kontrollit të rregullt mjekësor, përfshirë realizimin e mamografisë sipas rekomandimeve të mjekut.
Qëllimi i aktiviteteve ishte ndërgjegjësimi i grave dhe komunitetit për kujdesin rreth shëndetit personal, si hap kyç në parandalimin dhe zbulimin e hershëm të kancerit të gjirit.
