Pas plot 40 viteve pune në Institutin Kombëtar të Shëndetësisë Publike të Kosovës, Prof. Dr. Arijana Osmani Kalaveshi, drejtoreshë e Departamentit të Epidemiologjisë, ka përmbyllur karrierën e saj të shkëlqyer profesionale me rastin e pensionimit.
Gjatë katër dekadave të punës në IKSHPK, Prof. Arijana dha një kontribut të çmuar në zhvillimin e epidemiologjisë në vend, në ngritjen e kapaciteteve profesionale të brezave të rinj dhe në forcimin e rolit të Institutit në mbrojtjen e shëndetit publik.
Në emër të IKSHPK-së, Drejtoresha Ekzekutive e IKSHPK-së Dr. Ardita Baraku i shprehu mirënjohje të veçantë Prof. Arianës për bashkëpunimin dhe kontributin e saj të jashtëzakonshëm në zhvillimin e shëndetësisë publike në Kosovë.
Edhe kolegët e saj e vlerësuan me fjalët më të mira për profesionalizmin, korrektësinë, humanitetin dhe kolegialitetin e treguar ndër vite, duke theksuar se puna dhe shembulli i saj mbeten një frymëzim për gjithë stafin e IKSHPK-së.
