Instituti Kombëtar i Shëndetësisë Publike të Kosovës vazhdon fushatën vetëdijesuese për diabetin, me qëllim të rritjes së ndërgjegjësimit për rëndësinë e parandalimit zbulimit të hershëm dhe kujdesit të vazhdueshëm ndaj kësaj sëmundjeje.
Dita Botërore e Diabetit, e cila shënohet çdo vit më 14 nëntor, thekson rëndësinë e veprimit të përbashkët në mbrojtje të shëndetit dhe në përballimin e kësaj sëmundjeje, që prek miliona njerëz në mbarë botën.
Motoja e vitit 2025, “Diabeti në të gjitha etapat e jetës”, thërret për angazhim global për të reduktuar rrezikun nga diabeti dhe për të siguruar që çdo person i diagnostikuar të ketë qasje të barabartë në trajtim, kujdes gjithëpërfshirës, cilësor dhe të përballueshëm, duke mbështetur kështu mirëqenien në çdo fazë të jetës.
