Laboratory Services

Monitorimi i sëmundjeve infektive dhe kontrolli i cilësisë së ujit dhe ushqimit për mbrojtjen e shëndetit publik, përmes analizës së mikroorganizmave patogjenë dhe sigurisë së mjedisit.

Qendra e Laboratorëve Testuese (QLT) të Mikrobiologjisë

Laboratoret e Departamentit janë të akredituara me standardin ndërkombëtarë SK EN ISO/IEC 17025 që nga viti 2010 për ekzaminimin e përshtatëshmërisë shëndetësore të cilësisë dhe sigurisë së ujit dhe ushqimit.

Ekzaminimi i përshtatëshmërisë shëndetësore të cilësisë dhe sigurisë së ujit: ofron shërbime të marrjes dhe analizës së të gjitha mostrave të ujit (ujit për pije nga ujësjellësi dhe bunaret, ujërat e ambalazhuara dhe ujërat rekreative) duke përfshirë punën në terren dhe punën laboratorike.

Ekzaminimi i përshtatëshmërisë shëndetësore të cilësisë dhe sigurisë së ushqimit realizohet nga specialist të profileve të ndryshme, mjekë, kimist, biolog molekular të cilët realizojnë analizat e parametrave specifik të përcaktuara me rregullore. Në kuadër të këtij organizimi ekspertët dhe laboratoret bëjnë analizat mikrobiologjike, metaleve, aditiveve, mykotoksinave, antibiotikeve, hormoneve, origjinës së mishit, pesticideve, GMO (ushqimet gjenetikisht të modifikuara), vlerat energjetike te ushqimit dhe treguesit e kualitetit te ushqimit.

Në kuadër të implementimit të kërkesave të standardit dhe procedurave të ISO/IEC 17025, Qendra e Laboratoreve Testuese (QLT) në IKSHPK merr pjesë në Programet e krahasimeve ndërlaboratorike për verifikimin e cilësisë së kompetencës profesionale (PT).

Programi i parë LAMP (Lead and Multielement Proficiency) – Center for Disease Control and Prevention (CDC)
Programi i dytë Proficiency Interlaboartory Study on Pasteurised Homogenized Milk – Univerza v Ljubljani
Programi i tretë EQUIP (Ensuring the Quality of Urinary Iodine Procedures) – Center for Disease Control and Prevention (CDC)
Programi i katërt QUICK (Quality Urine Iodine Control) – Kazakh Academy of Nutrition.

Shërbimet e Ofruara:

Analizat për patogjenë bakterorë, viralë dhe parazitë.
Diagnostika e sëmundjeve ngjitëse (p.sh., COVID-19, tuberkulozi, infeksionet gastrointestinale).
Testimi i mostrave të gjakut, urinës, sekrecioneve dhe produkteve të tjera biologjike për prani të mikroorganizmave të rrezikshëm.
Raporte publike
Lidhjet me laboratoret e tjerë ndërkombëtar

Laboratori i Ekologjisë Humane (Uji dhe Ushqimi):

Shërbimet e ofruara:

Kontrolli i Cilësisë së Ujit:
- Testimi i mostrave të ujit për prani të mikroorganizmave dhe substancave toksike.
- Teste psër ujin e pijshëm dhe ujin e përdorur në sektorët publikë dhe privatë.
Kontrolli i Sigurisë Ushqimore:
- Testimi për prani të patogjenëve si salmonella, E. coli, dhe listeria në ushqime.
- Vlerësimi i kontaminimit kimik dhe mikrobiologjik në zinxhirin ushqimor.
Protokollet dhe Standardet Ndërkombëtare: Përshkrimi i protokolleve të ndjekura për analizat e cilësisë dhe sigurisë, sipas standardeve të BE-së dhe ËHO.
Raportet publike: Raportet periodike mbi cilësinë e ujit dhe ushqimit në Kosovë