Në kuadër të Strategjisë Sektoriale Shëndetësore 2023–2030, që parasheh Objektivin Strategjik 2 – Promovimin e shëndetit dhe parandalimin e sëmundjeve, Ministria e Shëndetësisë ka përcaktuar ruajtjen dhe përparimin e shëndetit të popullatës si një ndër objektivat strategjike të politikave të saj shëndetësore.
Në funksion të këtij objektivi, është duke u përditësuar “Plani i Veprimit për Promovim dhe Edukim Shëndetësor 2026–2028”, i cili synon promovimin e mënyrës së shëndetshme të jetesës dhe krijimin e shprehive që ndikojnë në ruajtjen dhe përmirësimin e shëndetit dhe mirëqenies së popullatës.
Ky plan fuqizon bashkëpunimin ndërsektorial dhe përfshirjen e të gjithë hisedarëve përgjegjës për shëndetin publik, duke vendosur në qendër individin dhe komunitetin përgjatë gjithë ciklit jetësor.
Grupi punues, nën kryesimin e Dr. Sci. Florie Miftari-Basholli, përbëhet nga profesionistë shëndetësorë të IKSHPK-së, Qendrave Rajonale të Shëndetësisë Publike (QRSHP), Ministrisë së Shëndetësisë (MSH), MASHTI, MMPHI, SHSKUK, si dhe ekspertë vendorë dhe ndërkombëtarë nga projektet AQH dhe HIS.
Përkrahja teknike dhe logjistike e grupit punues sigurohet nga projekti zviceran “Shërbime Shëndetësore të Integruara – IHS”.
Instituti Kombëtar i Shëndetësisë Publike të Kosovës mbetet i përkushtuar të avancojë promovimin dhe edukimin shëndetësor në vend, përmes bashkëpunimit të ngushtë ndërinstitucional dhe forcimit të politikave që synojnë përmirësimin e shëndetit dhe mirëqenies së popullatës së Kosovës.
