Instituti Kombëtar priti përfaqësues nga Instituti Robert Koch, Gjermani, në kuadër të programit të shëndetit global
Prishtinë, 19 shtator 2017
Drejtori i Institutit Kombëtar Prof. Dr. Naser Ramadani me epidemiologët e specialistët e shëndetësisë Publike nga ky Institut, pritën sot në një takim përfaqësuesin e Institutit Gjerman të Shëndetësisë Publike “Robert Koch”, Dr. Andreas Gilsdorf me bashkëpunëtorë të këtij Instituti, në kuadër të programit të shëndetit global.
Fokusi i këtij programi do të jetë bashkëpunimi i Institutit Gjerman të Shëndetësisë Publike me Institutin Kombëtar të Shëndetësisë Publike të Kosovës, duke filluar nga mbikëqyrja e sëmundjeve ngjitëse, menaxhimi i krizave dhe operacionet emergjente.
Në pjesën hyrëse të këtij takimi, epidemiologët nga Gjermania përmes një prezantimi, paraqitën sistemin e mbikëqyrjes në Gjermani, si dhe u diskutua për bashkëpunimet dhe aktivitetet e tyre të ardhshme me IKSHPK-në.
Gjithashtu, në takim u prezantua edhe sistemi për mbikëqyrjen e sëmundjeve ngjitëse në Kosovë, ku u paraqitën raporte vjetore të ndryshme rreth tyre.
Në përfundim do të diskutohet dokumenti final I Memrandumit të Bashkëpunimit mes dy Instituteve Kombëtare.